Tuir Novo Testamento São José nudar esposo hosi Virgem Maria, aman hakiak ba Jesus Cristo. São José nudar descendente liurai David nian, no hetan hahi hanesan Santo hosi Igreja sira nebe fiar ida deit iha Jesus Cristo.
Padroeiro Colégio de São José Operário nian mak São José Operário duni, nebe ninia loron monu iha dia 1 de Maio.
Loro dahuluk fulan Maio, foti nu’udar loron ba “Festa do trabalhador” houri seculu XIX nia rohan no seculo XX nia hahu, serviso nain sira nia terus no luta ba sira nia direito hahu hetan reconhecimento hodi foti loron ne’e nudar loron mundial ba serviso nain sira.
Igreja ne’ebe hatudo nafatin nia fuan ba problema sira kona ba servisu nian, hakarak fo dimensaun cristã iha loron ida ne’e. Tamba ne’e iha tinan 1955 papa pio XII tau loron ne’e ba Festa Trabalhador sira nian, no nia mahein mak São José Operário, hodi hatudu katak nia mak modelo ba trabalhador sira hotu. Nudar serviso nain iha nia oficina iha Nazare, São Jose iha nia maluk ida nebe hamaluk nafatin nia, mak Jesus Kristu, Maromak Oan. Hanesan Jesus rasik mos hanorin katak liu husi servisu, ita colabora ho Maromak, ita hetan biban atu hatomak natureza no hatutan Maromak nia criasaun. Liu husi servisu mak bele halo buat ruma ba ema seluk. Servisu mos nudar meio ida atu ita participa iha knar Kristu nian. (Gaudium et Spes 67). Ida ne’e mak sai espírito ba professores no pessoais escola Católica do Colegio de São José Operário nian.