Ezisténsia Ensino Pré-Secundário no Ensino Secundário São José Operário.
Ensino Pré-Sekundário São José Operário, mai-hosi metade Ensino-Primário Santa Madalena de Canossa ne’ebé namkari iha anu letivu 2002 hosi Dioseze Díli ho nune’e Eskola Portuguesa ne’ebé agora dadaun iha bele uja.
Metade hosi estudante no manorin sira, mak hanesan, (Anacleto da Costa, Emilia Tilman de Andrade, Luís dos Reis Cota e Margarida Gusmão Goulart), ne’ebé entrega hosi Dioseze ba Imaculdala Conceição Balide, simu hosi Reverendu Vigáriu Paroquial, “Pe. Mateus Afonso” iha anu letivu 2004/2005.
Iha anu letivu 2007 metade hosi alunu sira ne’e remata sira nia estudu sextu anu iha Balide, Vigáriu Balide “ Reverendo Pe. Mateus Afonso” kordena ho manorin kolaborador sira ne’ebé temi iha leten no ikus liu too iha akordu ida hodi loke Ensino Pré-Secundário ne’ebé mak namkari iha anu letivu 2004 ho objetivu ne’ebé hanesan.
Nune’e mak mosu Ensino Pré-Secundário São José ne’ebé mak ami aumentan tan apelidu “Operário” no formalmente hanaran São José Operário, naran hosi protetór ne’ebé ami hili ba eskola ne’e rasik.
Ne’e duni, Ensino Pré-Secundário sai baze ba abertura Ensino Secundário São José Operário.
Alein hosi eskola rua ne’e, Diretór Jerál Eskola “Reverendo Pe. Mateus Afonso”, organiza fila-fali eskola antigu Primária São Luis Gonsaga Parókia Imaculada Conceição Balide hodi halibur eskola tolu ne’e.
Ho esforsu hosi Reverendo Pe. Mateus Afonso akompaña ho ninia colaborador sira liu-liu Diretór Eskola Anacleto da Costa, Ensino Pré-Secundário São José Operário hetan akreditasaun hosi Ministériu Edukasaun RDTL.
Konabá edifisiu, fou-foun kontrui sala 3 hodi simu metade hosi alunu sira ne’ebé temi ona iha leten. Iha 2008 Reverendo Vigário harii edifisiu foun ho sala de aula 3 hodi hatan ba alunu foun hosi 70 anu Ensino Báziku 30 siklu, sekretaria ida ba Diretór Eskola, Biblioteka ida no haris-fatin/sintina ba alunu sira. Mezmu nune’e, ami sei empresta sala balu hosi eskola Primária São Luis Gonsaga.
Iha 2011 depois simu tiha alunu foun sira hosi Ensino Secundário ba 100 anu ami sei uza nafatin sala sira ne’ebé empresta ona hosi São Luis Gonsaga no sala seluk hosi 30 siklu São José Operário.
Iha inisiu anu letivu “2011” Diretór Jerál hahú halo konstrusaun ba Edifisiu foun ne’ebé Inagura iha fulan maiu tinan 2012 mezmu konstrusaun ne’e halo metade de’it, maibé ami uza tan turma 7 hodi responde ba nesesidade alunu sira nian.