DILI, 28 Agostu 2025 : Mundo ohin loron preokupa ho mundansa teknologia avansadu tanba ne’e ho kriasaun jornal parede dijital hanesan meiu ida hodi kapasita estudante sira iha era teknologia nian.
Liafuan hirak ne’e hato’o husi Diretór Jerál – SEKOMS Florindo da Costa, Kuarta (27/08/2025) semana ne’e iha Salaun Eskola Téknika Informátika Fomento-Díli bainhira halo abertura ba formasaun ba professor nain ruanulo (20) durante loron tolu nia laran.
“Grasa boot tebes tanba bele servisu hamutuk entre SEKOMS, Ministériu Edukasaun no CHILD FUND, ita hanoin ona katak mudansa teknologia avansu ne’ebe ohin loron ema hotu iha mundu preokupa se’e ita lakohi aproveita agora, maka ita nafatin iha kotuk”, tenik Direitor Geral SEKOMS.
Florindo mos hatutan tanba ida ne’e maka Secretaria estado ba Komunikasaun Sosial hanoin katak atu halo mundansa diak liu hahu husi eskola sira liu husi programa Jornal Parede Dijital.
“SEKOM iha hanoin ida katak halo mudansa uluk iha educasaun ho kriasaun plata forma jornal digital ou website ne’e agora uza maneira atu uza ne’e ho seguru,” Director Geral ne’e hateten.
Entretanto formasaun konaba Jornal Parede Dijital ne’ebe Ekipa Sekoms no Child Fund halao ba profesores kuaje nain ruanulo durante loron tolu, hahu husi loron Kuarta to’o Sesta feira semana ne’e.
Jornalista : Ekipa Formando – Jornal Parede Dijital
Editor : Formador – JPD – SEKOMS
