Dili, 28 Agostu 2025 : Programa SWIPE SAFE Seguransa online husi Child Fund nudar programa ida ne’e importante hodi proteje no asesgura labarik sira husi bosok sira rede online nian.
Reprezentante Child Fund Timor Leste-SWIPE SAFE online Safety Project Coordinator Alexandre P. Mendes hato’o liafuan hirak ne’e iha ninia deskursu iha seremonia abertura ba formasaun professor nain ruanulo (20), Kuarta (27/8/2025) semana iha iha salaun ETI Fomentu Dili.
“Husi CHILD FUND sente kontente tebtebes tanba bele aproveita programa ida ne’e hodi bele enkaixa ami-nia programa ida ho naran SWIPE SAFE Seguransa online nian, oinsá atu asegura no proteje ita-nia oan sira husi média online, ami hanoin mós atu apoiu nafatin programa ida ne’e atu bele habelar tan programa SWIPE SAFE iha eskola hotu-hotu iha área ne’ebé sai alvu”, tenik Alexandre.
Nia hatutan Child Fund Timor-Leste iha hanoin no kompremetidu hakarak apoiu ba programa hirak ne’e, atu bele habelar tan ba iha eskola hotu hotu hanesan eskola sekundariu sira iha area ne’ebe maka que sai nudar alvu Child Fund Timor-Leste nian
Ikus liu reprezentante Child Fund ne’e mos agradese ba servisu hamutuk entre Child fund Timor-Leste ho SEKOMS no mos husi parte edukasaun hodi realiza programa jornal parede digital ne’ebe que husi Child fund Timor-Leste sente kontente tanba bele aproveira programa ne’ebe maka enkaixa ona liu husi estabelsementu Jornal Parede.
Jornalista : Ekipa Formando – Jornal Parede Dijital
Editor : Formador – JPD – SEKOMS
