Colégio de São José Operario ho ninia Vizaun, Misaun ho Kompetensia hanesan tuir mai ne’e:
VIZAUN
Sai escola nebe excelente iha ciência conhecimento no tecnologia, fiar no moral ho espírito valores cristãos.
MISAUN :
- Produz estudantes nebe ho character excelente, matenek, fiar ho base valores cristãos.
- Produz estudantes nebe util iha familia no iha sosiedade
- Produz estudantes nebe bele desenvolve an tuir ninia talento nebe iha.
- Hasae qualidade educação bebeik ba bebeik liu hosi actividade, grupo no extra curricular.
- Cultiva moris disciplina, esportiva no iha espírito de realização.
- Cultiva tradição escola catolica nebe la moris mesak ba ninia-an.
REALIZASAUN MISAUN
Nudar Escola ida católica, Colégio São José Operário liu hosi ninia missão nebe iha no baseia ba character educação Jesuita nian nebe diak liu hosi espírito Jesuit ratio estudiorum hamosu pilar ha’at nebe iha objectivo atu forma foinsa’e Timor oan nebe mak iha Competência intellectual, iha Conciência Religiozo, iha compaixão ho ema seluk no iha compromisso hodi promove fiar no justiça.
KOMPETÉNSIA
Nudar ema nebe mak sei remata hosi Colégio São José Operário, estudante sira sei hetan dominio apropriado kona ba buat nebe mak básico ba sira ninia aprendizagem. Estudante Colégio São José Operário nian sei hetan habilidade no tecnico iha perspectiva no curiosidade nebe mak iha sentido no equilibrado atu explora liu tan ideias no problemas iha sociedade nia laran. Sira sei bele aplica sira ninia competência intellectual iha nível aprendizagem nebe avançado iha nível ensino superior ka universidade.
Nune’e estudante hosi Colégio São José Operário sei:
- Hatene tiha ona atu comunica efectivamente hosi Lê, hakerek no mos koalia língua Portuguesa, Tetum, Inglês no Malaio.
- Iha apressiação no compreensão nebe mak klean kona ba história no problemas social nebe mak iha Timor-Leste no mos iha mundo tomak.
- Iha néon moris nafatin kona ba problemas sociais nian no mos implicação nebe mak afeta comunidade local no mos global.
- Desenvolve tiha ona capacidade atu iha hanoin nebe crítico no lógico atu hatene padrão ka sasukat nebe iha ciência no matemática hodi aplica iha moris lor-loron nian.
- Desenvolve tiha ona proficiência atu halo investigação científico hodi analiza no hato’o resultado.
- Compreende ona impacto tecnologia nian iha cultura no mos tecnologia ninia importância ba sira nia careira iha futuro no hetan proficiência atu utiliza recurso foun hirak ne’e ba sira nia benifício.
- Hetan ona oportunidade atu sai competente iha área non académico sira hanesan atlético, música no arte.
- Prepara tiha ona atu aplica ho competente buat hirak nebe sira hetan ona wainhira sei tama iha universidade.