𝐅𝐨𝐫𝐦𝐚𝐬𝐚𝐮𝐧 𝐛𝐚 𝐊𝐚𝐧𝐝𝐢𝐝𝐚𝐭𝐮 𝐅𝐨𝐮𝐧 𝐄𝐧𝐬𝐢𝐧𝐮 𝐁á𝐬𝐢𝐤𝐮 𝐧𝐨 𝐄𝐧𝐬𝐢𝐧𝐮 𝐒𝐞𝐤𝐮𝐧𝐝á𝐫𝐢𝐮 – 𝐀𝐧𝐮 𝐋𝐞𝐭𝐢𝐯𝐮 𝟐𝟎𝟐𝟔

𝐂𝐨𝐥é𝐠𝐢𝐨 𝐒ã𝐨 𝐉𝐨𝐬é 𝐎𝐩𝐞𝐫á𝐫𝐢𝐨 – 𝐁𝐚𝐥𝐢𝐝𝐞, 𝐃𝐢𝐥𝐢 realiza orientasaun no formasaun ba kandidatu foun sira ba nível 𝐄𝐧𝐬𝐢𝐧𝐮 𝐁á𝐬𝐢𝐤𝐮 no 𝐄𝐧𝐬𝐢𝐧𝐮 𝐒𝐞𝐤𝐮𝐧𝐝á𝐫𝐢𝐮, ba 𝐀𝐧𝐮 𝐋𝐞𝐭𝐢𝐯𝐮 𝟐𝟎𝟐𝟔, ne’ebé realiza ona iha loron 5 to’o 10 fulan Jeneiru tinan 2026. Atividade ida-ne’e hanesan parte ida husi preparasaun institusionál atu garante katak prosesu ensinu-aprendizajen iha Anu Letivu foun bele hala’o ho diak, ordenadu, no ho kualidade.

Formasaun no orientasaun ida-ne’e destina ba kandidatu foun sira ne’ebé sei envolve an direitamente iha prosesu ensinu-aprendizajen, ho objetivu atu fo kompreensaun ne’ebé klaru kona-ba sistema ensinu, regulamentu eskola, no politika edukasionál ne’ebé aplika iha Colégio São José Operário. Liu husi formasaun ida-ne’e, kandidatu sira mos hetan introdusaun kona-ba valor, espiritu, no kultura edukasionál katólika ne’ebé torna hanesan identidade prinsipal husi instituisaun.

Iha konteksu pedagójiku, formasaun ida-ne’e foka mos ba hasa’e kapasidade no kompeténsia pedagójika husi kandidatu sira, liu-liu iha aspetu metodolojia ensinu, planeamentu aula, avaliasaun aprendizajen, no etika profesional. Kandidatu sira hetan orientasaun atu prepara an-rasik ho maturidade no responsabilidade, hodi bele hala’o knaar edukasionál ho dedikasaun, disciplina, no profesionalizmu, tuir padraun no mizaun eskola.

Instituisaun hato’o agradesementu boot ba partisipasaun no empenhu husi kandidatu hotu-hotu ne’ebé envolve an iha prosesu ida-ne’e, hodi demonstra kompromisu atu kontribui ba dezenvolvimentu edukasaun ne’ebé ho kualidade no valor sira ne’ebé humanus. Colégio São José Operário kontinua compromete an atu hamoris hamutuk komunidade edukativa, hodi hari’i futuru estudante sira ho baze iha etika, morál, no espiritu servisu.

Hamoris hamutuk edukasaun ho kualidade, etika, no valor sira ne’ebé humanus.

𝐂𝐨𝐥é𝐠𝐢𝐨 𝐒ã𝐨 𝐉𝐨𝐬é 𝐎𝐩𝐞𝐫á𝐫𝐢𝐨 – 𝐁𝐚𝐥𝐢𝐝𝐞, 𝐃𝐢𝐥𝐢

𝐀𝐧𝐮 𝐋𝐞𝐭𝐢𝐯𝐮 𝟐𝟎𝟐𝟔